Merkigarður

561 Varmahlíð

Ásett verð: 185.000.000 kr.

Tegund

Lóð

Stærð

159244,299999237 m²

Herbergi

4

Svefnherbergi

0

Baðherbergi

1

Fermetraverð

1.162 kr.

Lýsing

Elka lgf. s. 863-8813 hjá Fasteignasölunni TORG kynnir jörðina MERKIGARÐ Í SKAGAFIRÐI

Um er að ræða einstaklega fallega og fjölbreytta jörð, samtals um 200 hektara, þar af eru um 15 hektarar ræktað tún og um 60–70 hektarar skógi vaxið land.

Á jörðinni stendur 102,5 m² íbúðarhús, 61,2 m² vélageymsla og 80,6 m² hesthús í bragga með aðstöðu fyrir allt að átta hesta.

Jörðin liggur að Svartá á skjólsælum og sólríkum stað miðsvæðis í Skagafirði, með víðáttumiklu útsýni yfir sveitina og til fjalla.

Unnin hefur verið tillaga að deiliskipulagi fyrir 18 frístundalóðir innan jarðarinnar og býður eignin því upp á fjölbreytta möguleika til búsetu, skógræktar, hestamennsku, útivistar og mögulegrar framtíðaruppbyggingar.

Heimreiðin að Merkigarði liggur í gegnum Steinsstaðahverfi og endar við bæinn. Engin almenn gegnumumferð er því um jörðina.

Nánari upplýsingar veitir Elka Guðmundsdóttir löggiltur fasteignasali í síma 863-8813 eða með tölvupósti á elka@fstorg.is.

NÁNARI LÝSING

Merkigarður er um 200 hektara jörð, fallega staðsett vestanvert í Eggjum, ásnum sem liggur frá norðri til suðurs á milli Héraðsvatna og Svartár.

Land jarðarinnar er fjölbreytt og hallar að mestu til vesturs í átt að Svartá. Meðfram ánni er grösugt bakkaland sem áður fyrr var mikilvægur hluti heyskaparlands jarðarinnar. Þar má jafnframt sjá gamlar reiðgötur sem bera sögu búsetu og samgangna á svæðinu vitni.

Austan Svartár hækkar landið og þar er miðhluti þess vel gróinn. Tún liggja út frá bæjarstæðinu, í suðausturhluta landsins er mýrlendi og flóar, en þess á milli eru holt, melar og falleg gróðursvæði. Fjölbreytt landslagið, skógurinn og lega jarðarinnar skapa skjólgott og fallegt umhverfi.

Um 15 hektarar jarðarinnar eru ræktuð tún og talið er að um 60–70 hektarar séu skógi vaxnir. Uppvaxið skóglendið skapar mikið skjól og fallegt umhverfi við bæjarstæðið.

SKÓGRÆKT

Hluti jarðarinnar fellur undir skógræktarsamning við Norðurlandsskóga. Frá árinu 2002 hafa verið gróðursettar um 150 þúsund plöntur á landinu og er skógurinn nú orðinn vel upp vaxinn.

Hafin er grisjun á hluta skógarins og hefur viðurinn meðal annars verið nýttur sem eldiviður, í kurl á göngustíga og sem undirburður fyrir hesta. Skógurinn býður upp á fjölbreytta framtíðarmöguleika eftir því sem hann vex og þroskast, auk þess sem hann eykur skjól, útivistargildi og náttúrufegurð jarðarinnar.

SAGA MERKIGARÐS

Merkigarður er gömul bújörð og ná heimildir um búsetu, ábúendur og eignarhald á jörðinni aldir aftur í tímann. Landið var nýtt til hefðbundins búskapar og var grösugt bakkaland meðfram Svartá áður fyrr meðal helsta heyskaparlands jarðarinnar. Gamlar reiðgötur sjást enn í landinu og minna á fyrri tíma þegar leiðir manna lágu um sveitina gangandi eða ríðandi. Saga jarðarinnar, fjölbreytt landnýting og lega hennar við Svartá gefa Merkigarði sérstakan karakter og sterka tengingu við búsetu- og landbúnaðarsögu Skagafjarðar.

ÍBÚÐARHÚS

Íbúðarhúsið er 102,5 m² og við það er góð timburverönd með heitum potti.

Í húsinu eru þrjú svefnherbergi, stofa, eldhús, forstofa og búr/geymsla. Húsið hefur verið endurnýjað að hluta, meðal annars eldhúsinnrétting og gluggar.

Hitaveita kemur frá Steinsstöðum og ljósleiðaratenging er til staðar. Nýlega hefur verið lagt kalt vatn að húsinu frá uppsprettu við bæinn og rotþró er nýleg.

VÉLAGEYMSLA OG HESTHÚS

Á jörðinni er um 61,2 m² vélageymsla ásamt 80,6 m² hesthúsi í bragga með stíum fyrir allt að átta hesta.

Aðstaðan hentar vel fyrir hestamennsku, geymslu véla og tækja eða annan minni búrekstur.

SVARTÁ OG ÚTIVIST

Jörðin á land að Svartá, en í ánni er meðal annars urriði. Áin hefur verið í útleigu.

Göngu- og hjólastígar hafa verið lagðir um hluta jarðarinnar og býður landið upp á fjölbreytta útivistarmöguleika í fallegu og skjólsælu umhverfi. Einnig hafa verið skoðaðir möguleikar á frekari uppbyggingu reiðleiða og golfaðstöðu.

MÖGULEG FRAMTÍÐARUPPBYGGING

Unnin hefur verið tillaga að deiliskipulagi fyrir um 17 hektara frístundabyggð innan jarðarinnar.

Samkvæmt fyrirliggjandi skipulagsuppdrætti er gert ráð fyrir samtals 18 frístundalóðum ásamt byggingarreitum, innri vegum, leiksvæði og lagnaleiðum. Einnig hafa verið unnin drög að húsateikningum fyrir fyrirhugaða uppbyggingu.

Um er að ræða áhugaverða framtíðarmöguleika sem geta aukið nýtingu og verðmæti jarðarinnar til lengri tíma, með fyrirvara um samþykki viðeigandi yfirvalda og áframhaldandi skipulagsvinnu. Mjög lítil vinna er eftir að koma skipulaginu til endanlegra samþykktar.

Merkigarður er í um 10 km fjarlægð frá Varmahlíð og um 32 km frá Sauðárkróki. Rúmlega klukkustundar akstur er til Akureyrar.

Staðsetningin er miðsvæðis í Skagafirði og þaðan er greið leið að helstu þjónustu, útivistarsvæðum og leiðum inn á hálendið.

Nánari upplýsingar veitir Elka Guðmundsdóttir löggiltur fasteignasali í síma 863-8813 eða með tölvupósti á elka@fstorg.is.

ELKA GUÐMUNDSDÓTTIR, LICENSED REAL ESTATE AGENT AT TORG REAL ESTATE, TEL. +354 863 8813, PRESENTS THE FARM MERKIGARÐUR IN SKAGAFJÖRÐUR

Merkigarður is an exceptionally beautiful and diverse farm, comprising approximately 200 hectares, of which around 15 hectares are cultivated fields and approximately 60–70 hectares are forested.

The property includes a 102.5 m² residential house, a 61.2 m² machinery storage building and an 80.6 m² stable housed in a Quonset-style building, with facilities for up to eight horses.

The farm borders the River Svartá and enjoys a sheltered, sunny location in the heart of Skagafjörður, with extensive views across the surrounding countryside and towards the mountains.

A proposed detailed development plan has been prepared for 18 holiday-home plots within the property. Merkigarður therefore offers a wide range of opportunities for residential use, forestry, equestrian activities, outdoor recreation and potential future development.

FURTHER DETAILS

Merkigarður is an approximately 200-hectare farm, beautifully situated on the western side of Eggjar, the ridge running from north to south between the Héraðsvötn and Svartá rivers…